ពណ៌ទឹកនោម អាចប្រាប់ពីបរិមាណជាតិទឹក ដែលអ្នកទទួលទាន។ បរិមាណជាតិទឹក អាហារ និងថ្នាំវេជ្ជសាស្ត្រ អាចធ្វើឱ្យទឹកនោមប្រែពណ៌បាន។ ទោះជាយ៉ាងណា ពេលខ្លះ វាជាសញ្ញានៃការឆ្លងរោគ ឬជំងឺថ្លើម ឬជំងឺតម្រងនោម។ ខាងក្រោមនេះ ជាពណ៌ទឹកនោម ដែលអាចប្រាប់អ្នកពីស្ថានភាពសុខភាព៖

១. ពណ៌សថ្លា ឬគ្មានពណ៌៖

·         ទទួលទានទឹកច្រើនពេក ដែលអាចកែប្រែតុល្យភាព នៃអេឡិចត្រូលីតក្នុងឈាម

·         ទទួលទានទឹកច្រើន ដោយសារថ្នាំបញ្ចុះទឹកនោម

·         ទទួលទានទឹកច្រើន ដោយសារជំងឺទឹកនោមផ្អែម

២. ពណ៌ស្លេក ឬលឿងថ្លា៖

·         ទទួលទឹកគ្រប់គ្រាន់

៣. ពណ៌លឿងក្រម៉ៅ៖

·         ទទួលជាតិទឹកក្នុងបរិមាណល្មម

·         គួរទទួលទានទឹកបន្ថែម ៦ - ៨កែវ ក្នុង ១ថ្ងៃ

៤. ពណ៌ទឹកក្រូច៖

·         ខ្វះជាតិទឹកតិចតួច

·         អាចបណ្ដាលមកពីការទទួលទាន (១) វីតាមីនបំប៉ន (២) ថ្នាំប្រឆាំងបញ្ហារលាក (៣) ថ្នាំ phenazopyridine ឬ (៤) ថ្នាំគីមីព្យាបាលជំងឺមហារីក

៥. ពណ៌ទឹកក្រូចក្រម៉ៅ ឬពណ៌ត្នោត៖

·         ផលិតទឹកនោមមិនគ្រប់គ្រាន់

·         មូលហេតុបង្ក មានដូចជា (១) ខ្សោះជាតិទឹក (២) ហាត់ប្រាណខ្លាំង ឬ (៣) ស្ថិតក្រោមកម្ដៅក្ដៅ

·         សញ្ញានៃជំងឺថ្លើម (រលាកថ្លើម ឬបញ្ហាផ្សេងៗទាក់ទងនឹងថ្លើម)

៦. ពណ៌ត្នោតក្រម៉ៅ ឬខ្មៅ៖

·         ជំងឺថ្លើម

·         ងាប់ជាលិកាសាច់ដុំ (rhabdomyolysis)៖ អាការៈនេះ គ្រោះថ្នាក់ដល់អាយុជីវិត និងអាចបង្កពិការភាព។ អ្នកជំងឺ គួរទទួលការព្យាបាលជាបន្ទាន់។

·         ជំងឺទឹកនោមខ្មៅ (Alkaptonuria)៖ ជំងឺនេះ ជាជំងឺកម្រ កើតឡើងពីកំណើត ដែលបញ្ឈប់រាងកាយពីការបំបែកអាមីណូអាស៊ីត ពីរប្រភេទ។

៧. ពណ៌ផ្កាឈូក ឬក្រហម៖

·         បណ្ដាលមកពីទទួលទាន (១) មើមឆៃថាវ ឬ (២) ផ្លែប្ល៊ែកប៊ែរី

·         មានឈាមក្នុងទឹកនោម

·         ឆ្លងមេរោគក្នុងប្រព័ន្ធទឹកនោម

·         ឆ្លងមេរោគក្នុងក្រពេញប្រូស្តាត

·         ក្រួសតម្រងនោម

·         ជំងឺតម្រងនោម

·         ជំងឺមហារីក

៨. ពណ៌ខៀវ ឬបៃតង៖

·         បណ្ដាលមកពីទទួលទានអាហារ ដែលមានពណ៌សិប្បនិម្មិត

·         បង្កដោយ (១) ថ្នាំបាក់ទឹកចិត្ត amitriptyline (២) ថ្នាំបន្ថយការឈឺចាប់ indomethacin ឬ (៣) ថ្នាំស្ពឹក propofol

·         ឆ្លងមេរោគក្នុងប្រព័ន្ធទឹកនោម

៩. ទឹកនោម មានពពុះ៖

·         ឆ្លងមេរោគក្នុងប្រព័ន្ធទឹកនោម

១០. ពណ៌ស ឬពណ៌ទឹកដោះគោ៖

·         អាការៈកម្រ ដែលជាតិទឹកលេចចូលក្នុងក្រលៀន (lymphatic fluid)

·         ឆ្លងមេរោគប៉ារ៉ាស៊ីត

ប្រភព៖ Medical News Today II https://www.medicalnewstoday.com/

រក្សាសិទ្ធិ©ដោយ៖ ពេទ្យយើង